Qeveria e Britanisë së Madhe do ta furnizojë Ukrainën me raketa kundër anijeve për të fundosur anijet luftarake ruse.
Sunday Times raporton se synimi është edhe që të lehtësohet presioni mbi qytetet bregdetare që po bombardohen nga armiku nga deti, pra të fundosen anijet e Rusisë dhe të shpëtohet Odessa.
Plani i masave përshkruhet si pjesë e “ndërrimit të ingranazheve” në përgjigjen e Perëndimit ndaj luftës.
Sipas raportimeve, kryeministri i Mbretërisë së Bashkuar Boris Johnson u tha ministrave se ai do ta furnizojë Ukrainën me armë për të parandaluar përparimin e forcave ruse në qytetin port jugor të Odesës.
Kujtojmë se qyteti-port u godit mëngjesin e sotëm nga raketat ruse.
