Fiona Rushiti është e para akrobate shqiptare, e cila sfidon lartësitë e mëdha. Ajo herë pas here bën performanca të rrezikshme dhe të guximshme. E kështu ka qenë edhe performanca e sfidës së radhës.
Të fluturosh drejt lirisë, është shfaqja spektakolare që Fiona ka realizuar me rastin e pavarësisë së Kosovës. Ajo ka realizuar një video mesazh ku me anë akrobacive në ajër sportistja ka sjellë mesazhin e lirisë
Një histori e bukur lirie, treguar nëpërmjet lëvizjesh e vallëzimi në ajër; është mesazhi më i bukur që Kosova mund të merrte me rastin e Pavarësisë.
Performanca spektakolare, ku Fiona bën spërkatën dhe të tjera ushtrime trupore në ajër, në një lartësi tejet të konsiderueshme është thjesht mahnitëse! Fare natyrshëm, elastike, dhe shpërthyese lehtësia me të cilën artistja e sportit i realizon këto ushtrime thjesht mahnit këdo që i sheh.
