Kryeministri Edi Rama ka folur për herë të parë për akuzat e Pd se të dhënat e qytetarëve në e-albania janë marrë nga Partia Socialiste.
Ai tha se ditënn e sotme edhe një zyrtar i PD-së kishte dalë dhe kishte pranuarv se të dhënat e AKSHI-t nuk janë të transferueshme, ndërsa shtoi se edhe PD merr çdo ditë qytetarët në telefon me anë të call center-ave. Sipas tij, fotoja e “Excel-it” që doli në media nuk është e Partisë Socialiste pasi është shumë e vjetër.
“Edhe sot më thanë se kishte dalë njëri nga PD dhe kishte pranuar se të dhënat e AKSHI-t nuk janë një databazë e transferueshme që e merr kush të dojë sepse AKSHI nuk depoziton të dhëna të integruara. Çfarë duhet të themi për call-centerat e PD që merr në telefon njerëzit çdo ditë. Të gjitha partitë e bëjnë këtë gjë, kudo në botë. Ne kemi shumë vite që mbledhim të dhëna derë më derë dhe me qytetarët. E fundit fare, ai “Excel-i” që doli atje është shumë i prapambetur për të qenë i Partisë Socialiste”, tha Rama.
