Policia e Beratit ka arrestuar 5 persona brenda 24 orëve në Berat, pasi gjatë kontrolleve që policia ka bërë gjatë natës, ata nuk kanë qenë të pajisur me lejet e nevojshme të drejtimit, kanë qenë të dehur dhe pa patentë. Njërit prej tyre, në makinë iu janë gjetur 95 kilogramë fletë metalike bakër, të cilat dyshohen se janë vjedhur në Uzinën e Policanit. Të arrestuar janë Vasil Bani, Renald Smaili, Aleks Balla, Arbëror Cacollari dhe Erolind Mjeshtri.
Njoftimi i plotë
Berat
Gjatë 24 orëve të fundit nga Strukturat e Drejtorisë Vendore të Policisë Berat, janë arrestuar 5 shtetas
Në vijim të punës për parandalimin e veprave penale, kapjen dhe vënien para përgjegjësisë ligjore të autorëve si dhe për rritjen e parametrave të sigurisë në rrugë me qëllim parandalimin e aksidenteve rrugore, janë arrestuar 5 shtetas dhe konkretisht:
•Vasil Bani, 54 vjeç, banues në Çiflik, Ura Vajgurore, pasi në Poshnje u kap nga shërbimet e Policisë Rrugore duke drejtuar motorin pa leje drejtimi dhe pa targa.
•Renald Smaili, 19 vjeç, banues në Kuç, Ura Vajgurore, pasi në Poshnje u kap nga shërbimet e Policisë Rrugore duke drejtuar motorin pa leje drejtimi dhe pa targa.
•Aleks Balla, 38 vjeç, banues në lagjen ‘’30 Vjetori’’, pasi në aksin rrugor Berat-Poliçan, në vëndin e quajtur ‘’Uznova e Madhe’’, duke drejtuar mjetin tip ROVER, ka humbur kontrollin dhe u përplas me murin, për pasojë u dëmtua rëndë pasagjeri. Nga testi i alkoolit drejtuesi i mjetit rezultoi në gjendje të dehur në masën me 0.77 mg/l.
•Arbëror Cacollari, 26 vjeç.
•Erolind Mjeshtri, 23 vjeç, të dy banues në fshatin Drenovë Poliçan, pasi në hyrje të Poliçanit, nga kontrolli i ushtruar nga Patrulla e Policisë në mjetin Land Rover i’u gjetën 95 kg fleta metalike bakëri, dyshuar të vjedhura në Uzinën e Poliçanit.
Materialet në ngarkim të këtyre shtetasve i kaluan Prokurorisë së Rrethit Gjyqësor Berat për veprime të mëtejshme.
