Mullah Baradar, shefi i zyrës politike të talebanëve, ka mbërritur në rajonin Kandahar të Afganistanit së bashku me figura të tjera të larta. Baradar është një bashkëthemelues i talebanëve dhe një nga udhëheqësit e tij më të lartë.
Ai bashkë me zëdhënësit kanë nisur konferencën e parë për shtyp gjatë të cilës janë shprehur se ardhja e tyre në Kabul nuk o të thotë luftë, nuk do të thotë racizëm dhe nuk do të thotë diskriminim ndaj grave. Sipas talebanëve gratë do të punojnë krah për krah me ta, duke iu përshtatur rregullave të fesë së tyre.
“Pas 20 vitesh përpjekje ne kemi marrë në dorë vendin dhe kemi dëbuar të huajt. Ky është një moment krenar për të gjithë kombin. Ne duam të sigurohemi që Afganistani nuk është më një fushë beteje konflikti. Ne i kemi falur të gjithë ata që kanë luftuar kundër nesh.
Armiqësive u ka ardhur fundi. Ne nuk duam armiq të jashtëm apo të brendshëm. Plani ynë ishte të ndalonim te portat e Kabulit në mënyrë që procesi i tranzicionit të përfundonte pa probleme. Por për fat të keq, qeveria e mëparshme ishte aq e paaftë … forcat e tyre të sigurisë nuk mund të bënin asgjë për të siguruar sigurinë. Ne duhej të bënim diçka.
Ne duhej të hynim në Kabul për të siguruar sigurinë e banorëve. Unë do të doja të siguroja bashkësinë ndërkombëtare se askush nuk do të dëmtohet. Ne nuk duam të kemi ndonjë problem me ndërkombëtarët. Ne kemi të drejtë të veprojmë sipas parimeve tona fetare.
Vendet e tjera kanë qasje, rregulla dhe rregullore të ndryshme … Afganët kanë të drejtë të kenë rregullat dhe rregulloret e tyre në përputhje me vlerat tona. Ne jemi të përkushtuar ndaj të drejtave të grave nën sistemin e Sheriatit.
Ata do të punojnë krah për krah me ne. Ne do të donim të siguronim bashkësinë ndërkombëtare se nuk do të ketë diskriminim,”- u tha në konferencë Baradar.
