Prezantueset afgane dhe gazetaret tjera janë shfaqur të dielën në televizionin afgan me fytyra të mbuluara, pas urdhrit të talebanëve për paraqitje të tillë.
Më herët gjatë këtij muaji, lideri suprem Hibatullah Akhundzada, ka lëshuar një dekret që urdhëron gratë të mbulojnë plotësisht fytyrën në publik, duke e përmendur burkën si veshje ideale.
Më 21 maj, Ministrja për Promovimin e Virtytit dhe Parandalimin e Vesit, ka lëshuar urdhrin e njëjtë për gratë që dalin në televizion.
Gratë fillimisht e kanë sfiduar vendimin duke dalënë transmetim pa mbulesë, por duket se kjo nuk ka zgjatur shumë pasi ditës e sotme, prezantueset gra janë parë me hixhab dhe u janë parë vetëm sytë.
“Ne kemi rezistuar dhe jemi kundër vendosjes së maskave. Por TOLO News ka pasur presion dhe ne jemi detyruar ta vendosim atë”, ka thënë prezantuesja e televizionit, Sonia Niazi për agjencinë e lajmeve AFP.
Një zëdhënës i ministrisë ka thënë se autoritetet nuk janë kundër prezantueseve gra.
Që kur kanë marrë kontrollin në gusht të vitit të kaluar, talebanët kanë lëshuar një numër dekretesh që kufizojnë të drejtat e grave dhe vajzave. Atyre u është ndaluar dalja në rrugë pa ndonjë familjar burrë, si dhe janë penguar nga shkollimi i mesëm.
