Kryetari i Bashkisë së Vlorës, Dritan Leli, ka bojkotuar mbledhjen e thirrur nga këshilltarët bashkiakë të PS-së, të cilët i kërkojnë atij llogari për sabotim të punëve publike në qytet.
Jo vetëm që nuk ka shkuar në mbledhje, por sipas këshilltarëve, ai iu ka mbyllur edhe sallën ku do të mblidhej Këshilli Bashkiak.
Po pengohen te zgjedhurit e qytetareve te kryejne detyren.
Menyra se si kryhet mbledhja percaktohet nga Keshilli, jo nga kryetari.
Numri i pjesemarresve sot ishte brenda percaktimeve ligjore per masat anti-Covid.
Leli liron sallen per partite politike, por ja mbyll Keshillit Bashkiak.
Akti i Lelit është papergjegjshmeri qe cenon qytetaret e Vlores.
Leli ka humbur besimin e qytetareve dhe mbeshtetjen e PS.
Iu kerkojme ndjese qytetareve per kete sjellje te turpshme te Lelit.
Keshilli është i vendosur te garantoje transparence ne punet publike te qytetit.
Do te perdorim te gjitha instrumentet e kontrollit/auditimit qe ka Keshilli per te garantuar llogaridhenien”, ka thënë kreu i këshilltarëve, Anduel Tahiraj
Menjëherë pas këtyre akuzave ka reaguar vetë Leli, që thotë se ka kërkuar që mbledhja të bëhet online.
“Referuar ligjit për parandalimin dhe luftimin e infeksioneve, kemi vendosur që mbledhja të zhvillohet online, në aplikacionin Zoom, siç janë zhvilluar të gjitha mbledhjet e deritanishme përgjatë gjithë vitit”, thotë ai në reagimin e tij.
(TemA)