Kryeministri Ramush Haradinaj ka zhvilluar një takim me Komisionetin për Zgjerim, Johannes Hahn. Kryefjalë e takimit mësohet se ka qënë taksa 100% e vënë për produktet e Serbisë dhe Bosnje Hercegovinës.
Në një konferencë për shtyp pas takimit, Haradinaj është shprehur se i ka bërë me dije Komisionerit se taksa do të hiqet vetëm kur të njihet shteti i Kosovës dhe sipas tij të gjitha organet kanë arritur që të zbatojnë këtë vendim.
Ai kërkonte një zgjidhje për taksën, i thashë se zgjidhja ekziston vetëm pasi të na njohin si shtet. Më pas mund të bëjmë tregti të lirë. Taksa mund të anulohet në rastin e njohjes së Pavarësisë së Kosovës, ndoshta na duket shumë larg kjo, por do të punojmë që të nënshkruajmë një marrëveshje gjithëpërfshirëse.
Ramush Haradinaj, kryeministër i Kosovës
Komisioneri Evropian për Zgjerimin e Bashkimit Evropian, Johannes Hahn para arritjes në Kosovë, është takuar me presidentin serb, Aleksandar Vuçiç, ndërsa më pas pritet që të zhvillojë edhe një takim me presidentin e Kosovës, Hashim Thaçin.
