Presidenti i Komisionit Evropian, Jean Claude Juncker ka nisur vizitën e tij në vendet e Ballkanit perëndimor, i shoqëruar nga eurokomisioneri për zgjerim dhe fqinjësi të mirë, Johanes Han.
Në konferencë të përbashkët për shtyp me kryeministrin e Maqedonisë, Zoran Zaev, Junker tha se sot nuk ka ardhur për të caktuar datën e hapjes së bisedimeve me BE-në por për të thënë se Maqedonia është në rrugë të drejtë.
Junker nuk deshi të flasë për çështjen e emrit duke thënë se ajo është një çështje që duhet të zgjidhet nga vet Maqedonia dhe Greqia, raporton ALSAT M.
Nga ana tjetër Zaev ka falenderuar zyrtarët e BE-së që zgjodhën Maqedoninë si vendin e parë për ta filluar turin e tyre ballkanik.
Zaev edhe një herë u shpreh i bindur se në qershor vendi do i nis bisedimet për integrim në BE dhe tha se kanë mbetur edhe pak aktivitete kyç që ky të jetë një vend historik për Maqedoninë.
Ndërkohë pasdite Presidenti i Komisionit Evropian, Jean Claude Juncker pritet të mbërrijë në Tiranë për të realizuar një takim me kryeministrin Edi Rama.
