Kreu i Komisionit Parlamentar të Ligjeve, Ulsi Manja është takuar ditën e sotme me ambasadoren amerikane Yuri Kim.
Në qendër të diskutimeve ka qenë ecuria dhe zbatimi i reformës në drejtësi, për të cilën ambasadorja amerikane disa ditë më parë ngriti alarmin se po tentohet të sabotohet.
“U dakortësuam se themelet e saj janë të çimentuara në Kushtetutë,” shkruan ndër të tjera Manja.
“Me Ambasadoren znj. Yuri Kim ndamë mendimet tona mbi ecurinë e zbatimit të Reformës në Drejtësi. U dakortësuam se themelet e saj janë të çimentuara në Kushtetutë dhe KL do të vazhdojë të mbështesë pa hezitim zbatimin e plotë në koordinim me bashkautorët e kësaj reforme SHBA dhe BE”, bën me dije Manja.
