Mbrëmjet e së enjtes ndanin gjithnjë teleshikuesit në dy ekrane: në TV Klan për të ndjekur “Opinion” nga Blendi Fevziu dhe në Top Channel për të ndjekur “Open” nga Eni Vasili. Pak ditë më parë, Blendi njoftoi se data 10 shtator do rikthejë sërish programin për sezonin e tij të 24-të. Eni Vasili ka konfirmuar gjithashtu vazhdimësinë e “Open” dhe për këtë sezon. E reja qëndron te fakti se nuk do jenë të vetmit.
Dosja.al ka zbuluar se një emision i ri do të shtohet në ABC News, nën drejtimin e gazetarit të njohur, Baton Haxhiu. Ky i fundit ka firmosur kontratën me televizionin dhe pritet që një program me tematikë të ngjashme, kryesisht i fokusuar tek politika dhe aktualiteti, të nisë këtë sezon. Ai do të transmetohet çdo të enjte në orën 21:00 dhe do të ketë të ftuar nga fusha të ndryshme.
Nuk dihen ende detaje të tjera mbi datën e fillimit të emisionit, por pritet që audienca e së enjtes të ketë tashmë tre “konkurrentë”.
