Ministri në detyrë i Punëve të Jashtme të Kosovës, Behgjet Pacolli ka bërë me dije se sot në orët e para të mëngjesit është sulmuar ambasada e Republikës së Kosovë në Kopenhagen, kryeqytetin e Danuimarkës.
Sipas Pacollit, ambasada është sulmuar nga huliganë serbë të cilët kanë ëmtuar Stemën e Shtetit të Kosovës.
Ministri në detyrë e ka dënuar këtë akt duke e konsideruar si qyqar dhe që shkel Konventën e Vjenës dhe sigurinë e ambienteve diplomatike dhe konsullore.
“Sulmet e vazhdueshme të huliganëve serbë kundër ambienteve diplomatike dhe konsullore të Kosovës tregojnë vetëm frustrimin e politikës së ngecur të Serbisë e cila ende nuk don të kuptoj se qe 11 vjet në Balkanin Perëndimor ekziston një shtet i pavarur që quhët Republika e Kosovës”, shkruan Pacolli.
Reagimi i plotë:
Sot, në orët e hershme të mëngjesit është sulmuar Konsullata e Republikës së Kosovës në Kopenhagë, në Mbretërinë e Danimarkës si dhe është dëmtuar Stema e Shtetit të Kosovës nga banditët dhe huliganët serbë në Danimarkë.
Ne e denojmë këtë veprim qyqarë që shkel Konventën e Vjenës dhe sigurinë e ambienteve diplomatike dhe konsullore.
Ne jemi duke punuar me autoritetet daneze për të sjellë përgjegjësit para drejtësisë. Sulmet e vazhdueshme të huliganëve serbë kundër ambienteve diplomatike dhe konsullore të Kosovës tregojnë vetëm frustrimin e politikës së ngecur të Serbisë e cila ende nuk don të kuptoj se qe 11 vjet në Balkanin Perëndimor ekziston një shtet i pavarur që quhët Republika e Kosovës.
E denojmë fuqishem propagandën serbe dhe fushatën agresive të Serbisë kundër Republikës së Kosovës.
