Sulmi terrorist i së premtes në xhaminë e gadishullit Sinai të Egjiptit, i cili shkaktoi 305 viktima dhe 130 të plagosur, u cilësua nga liderët botërorë si një ndër sulmet më barbare dhe më të përgjakshme në historinë moderne të njerëzimit.
Dënime dhe reagime të ashpra erdhën nga në rang global, ndërsa monumentet, institucionet dhe qëndrat publike në shumë vende të botës shaqën solidaritetin e tyre, Dias prej tyre shpalosën flamurin egjiptian dhe disa të tjerë fikën dritat në ngushëllim të viktimave.
E gjithë bota ka treguar solidaritet të pazakontë për viktimat, që shkaktoi sulmi më vdekjeprurës terrorist në një xhami në Sunai të Egjiptit. Liderët Botërorë e kanë cilësuar si një ndër sulmet më barbare dhe më të përgjakshme në historinë modern të njerëzimit.
Ndërtesat kryesore, qëndrat publike, e pikat e referimit në mbarë botën shfaqën nderimet e tyre. Në Paris, Kulla Eiffel u errësua, pasi të gjitha dritat u fikën për të treguar solidaritet ndaj kësaj ngjarjeje të dhimbshme, që tronditi opinionin mbarë.
Sonte nga mesnata do t’i fik dritat e mia, për të nderuar viktimat e sulmit të Egjiptit, shkruhej në llogarinë e Kullës Eiffeil në Twitter.
Ndërsa në Britaninë e Madhe, Biblioteka e Birminghamit u ndriçua nga ngjyrat e flamurit të Egjiptit.
Sonte, Biblioteka jonë B’ham është ndezur nga ngjyrat e falmurit egjiptian në kujtim të viktimave të sulmit të tmerrshëm, shkruajti në Tëitter këshilltari anglez Tristan Chatfield. Kreyministrja britanike Tereza May shprehu neveritjen e saj ndaj terroristëve që shkaktuan këtë masakër duke i quajtur edhe frikacakë.
Ndërkohë në qytetin më të populluar të Kanadasë në Toronto, edhe “Kulla e CN Toëer” u ndez në ngjyrat simbolike të Egjiptit.
Kanadaja është ndezur në ngjyrat e Egjiptit, për të nderuar viktimat e sulmit barbar terrorist. Kanadaja qëndron përkrah familjarëve të viktimave, shkruhej në statusin e faqes zyrtare.
Ndërkohë, edhe presidenti rus Vladimir Putin ofroi ngushëllimet e tij duke theksuar se terroristët janë antinjerëzor. Në Izrael, në kufi me gadishullin Sinai, në qendrën e Tel Avivit u shpalos flamuri egjiptian.
Edhe Këshilli i Sigurimit të OKB-së dënoi ashpër sulmin dhe kërkuan që autorët e masakrës të vihen para drejtësisë. Deklarata e këshillit e quajti sulmin të tmerrshëm por edhe frikacak dhe përsëriti se të gjitha aktet e terrorizmit janë kriminale dhe të pajustifikueshme, pavarësisht nga motivimi i tyre.
Presidenti i Egjiptit shpalli tre ditë zie kombëtare, ndërkohë që i gjithë vendi është nën shok nga sulmi makabër i terroristëve islamikë që shkaktoi të paktën 305 viktima dhe mbi 130 të plagosur.
Agresioni i përgjakshëm ndodhi në një xhami në Sunai të Egjiptit. Viktimat ishin duke u lutur, ndërkohë që terrorsistët sulmuan me bomba dhë hapën zjarr mbi civilë të pafajshëm mes të cilëve kishte gra edhe fëmijë.
Përgjithësisht grupet militante të ISIL, që morën përgjegjësinë e këtij agresioni, shënjestrojnë kishat e krishtere egjptiane, ndaj dhe sulmi i përgjakshëm në xhaminë e Sunait, që përdoret nga komuniteti i myslimanëve ka tronditur gjithë vendin.(Oranews)
