Kombet e Bashkuara u kanë bërë Ruisisë dhe Ukrainës që të shmangin çdo veprim që mund të çojë në një përshkallëzim të mëtejshëm të konfliktit në Ukrainë. Kështu tha Antonio Guterres tha për agjencinë ruse Tass pas sulmit ukrainas mbi një cisternë ruse në ngushticën Kerç.
“Ne kemi parë raportet e incidentit. Kombet e Bashkuara nuk janë në gjendje të konfirmojnë këtë informacion. Ne përsërisim me forcë thirrjen tonë për të gjitha palët e interesuara që të përmbahen nga çdo retorikë apo veprim që mund të përshkallëzojë më tej konfliktin,” tha ai.
Mbi këtë deklaratë ka reaguar Mykhaylo Podolyak , këshilltari i presidentit ukrainas Volodymyr Zelensky. Ai shkroi në Twitter se Guterres po bën avokatin e djallit dhe se nuk ka reaguar kur Rusia ka sulmuar portet ukrainase.
“Nuk mbaj mend nëse Sekretari i Përgjithshëm i OKB-së foli për papranueshmërinë e përshkallëzimit kur Rusia sulmoi portet ukrainase të Odesës dhe në Danub. Nuk më kujtohet nëse zoti Antonio Guterres doli me një deklaratë. Në vend të kësaj, kur Ukraina reagon në mënyrë efektive, shumë ‘avokatë të djallit’ dalin menjëherë dhe kërkojnë… një armëpushim të menjëhershëm dhe një përshkallëzim të konfliktit”.
“A duket se e drejta ndërkombëtare dhe e drejta për vetëmbrojtje funksionojnë kështu? A është kjo si duket urdhri e sigurisë globale në sytë e Kombeve të Bashkuara? Me një agresor që bën një luftë gjenocidale në presidencën e Këshillit të Sigurimit të Kombeve të Bashkuara dhe bindjen e vazhdueshme për të mos rezistuar?”, shton ai.
