Gazetarja Klodiana Lala ka reaguar në lidhje me ngjarjen e rëndë, ku persona të paidentifikuar qëlluan me armë zjarri drejt ambienteve të Top Channel, ku për pasojë mbeti i vrarë roja i sigurisë, Pal Kola 60 vjeç.
Me anë të një postimi në Facebook, Lala tha se ky është një akt terrorist.
“Te qëllosh me arme mbi godinën e TV Top Channel eshte akt terrorist”, shkruan Lala, ndërsa thekson se po preket fjala e lirë.
Pal Kola punonte prane godines se Televizionit Top Channel, si roje sigurie. Ishte me gjase i lumtur qe kishte gjetur nje pune, sepse po i afrohej pensionit. Por kriminelet e qelluan me nje plumb aty ne vendin e punes duke i marre jeten. Me nje plumb. Kriminele qe leviznin me makine luksi. Pali mbeti i vrare. Kriminelet si ngahera pasi bene nje tjeter akt terrorist duke derdhur bresheri kallashnikovi ndaj TV Kombetar me te madh ne vend u larguan te qete. E shkrumbuan makinen dhe brenda saj lane dy arme, si per te thene qe ne nuk njohim limite. Kriminele qe vrane nje burre te pafajshem. Kriminele qe preken lirine e fjales. Ndaj eshte urgjente zbardhja e kesaj ngjarje. Urgjente.
