Deputetja e Partisë së Lirisë Monika Kryemadhi aq sa e përkrah edhe e kritikon kryetarin e PL-së Ilir Meta, njëherësh bashkëshorti i saj, në sulmet e tij ndaj SPAK. Ndërsa shprehet se mendon njësoj si Meta se kreu i SPAK, Altin Dumani është vegël e qeverisë, e kritikon bashkëshortin për mënyrën si i ka bërë këto akuza.
Pyteje: Si i komentoni sulmet e Metës ndaj SPAK?
Kryemadhi: Në çdo fjalë që meta ka thënë për kapjen e drejtësisë nga qeveria jam shumë dakort, por mënyrën e them përsëri mendoj se vjen nga revolta. Mendoj se spak është vegël e Ramës dhe ebteja jonë nuk është ndaj spak.
Pyetje: A jeni dakort me sulmet ndaj Dumanit?
Kryemadhi: Ju duket normale ju që gazetat e Erion Velisë hapin faqet e para në 7 të mëngjesit me njoftimin e SPAK çon te të tjerët. Pra lajmi kalon nga gazetat e Erion Velisë para të vijë te qytetarët?
Por ndonëse e mbështeti në akuzat ndaj prokurorisë së posaçme, Kryemadhi ndahet nga bashkëshorti te akuzat e tij për nepotizëm në parti, për të cilën Meta ka pasur mjaft kritika kohët e fundit. Kryemadhi thotë se nuk ka pasur nepotizëm në PL, ndërsa e pyetur nëse do të kandidojë për presidente të partisë, tha se kandidon me mendime duke lënë të kuptuar që do t’ja lërë karrigen Metës.
Kryemadhi: Meritokracinë në një parti nuk e mbyt dot nepotizmi. Nepotizmi është për institucionet shtetërore ndërsa deputeti zgjidhet me vota, mund të të emërojë meta deputet po problemi është se nuk të zgjedhin njerëzit.
E pyetur nëse do të garojë për presidente të PL-së tashmë që Meta ka nisur revolucionimin e partisë duke nisur nga vendi i tij, Kryemadhi duket se nuk do ta sfidojë.
Pyetje: Do kandidoni për presidente të PL?
Kryemadhi: Zonjë unë kandidoj me mendime nuk kandidoj me kandidatura…
Pyetje: A jeni ndjerë e sulmuar nga Meta ditët e fundit?
Kryemadhi: Më shumë se ç’më ka sulmuar Rama e Veliaj pse nuk ju dhimbset kjo ju? Meta nuk më ka sulmuar si bashkëshorte por si politikane. Po keq ju ka ardhur juve që Veliaj ka paditur në SPAK mamanë time dhe fëmijët e mi.
