Policia holandeze ka parandaluar një sulm të madh terrorist, ku autorët do të përdornin mitroloza, eksplozivë dhe bomba, theksoi një prokuror publik në Roterdam.
Nuk u dhanë detaje mbi planet e terroristëve, por prokurorët thanë se të dyshuarit donin të shkaktonin shumë viktima në një ngjarje të madhe.
“Një celulë terroriste u çaktivizua”, theksoi ministri holandez i Drejtësisë, Ferdinand Grapperhaus.
Shtatë vetë u arrestuan në mbrëmjen e vonë nga një njësi antiterroriste në Arnhem afër kufirit gjerman. Rreth 400 forca të policisë morën pjesë në operacion.
‘’Një 34-vjeçar nga Iraku është në qendër të grupit dhe të dyshuarit e tjerë janë të moshës 21-34 vjeç”, tha prokurori publik.
