Ilir Meta ka nisur një sulm të paprecedentë ndaj kreut të Këshillit të Emërimeve në Drejtësi, Ardian Dvorani. Madje presidenti ka bërë një kallëzim penal ndaj kreut të KED, me argumentin se ka shkelur kushtetutën.
Sulmit ndaj Dvoranit i është shtuar “forcërisht” dhe ish-kryeministri Sali Berisha duke e sulmuar kreun e KED si “mafioz” dhe shkelës të ligjit.
Berisha shkoi dhe më tej saqë e cilësoi Dvoranin si gjykatës militant, i cili ka bllokuar reformat për dy vite me radhë.
Berishën dhe Dvoranin e lidh edhe një histori tjetër tepër e dhimbshme, e cila është bërë pak publike në media dhe në opinionin publik.
Endri Dvorani vëllai i Ardian Dvoranit ishte një nga 26 viktimat të cilët humbën jetën në Gërdec fshatin ku ndodhi shpërthimi i cili tronditi Tiranën dhe gjithë Shqipërinë, ku flakët shkatërruan fabrikën e demontimit të armëve.
/AlpeNews.al