Një kamp tendash në zonën e evakuimit në pjesën perëndimore të Rafahut u sulmua të martën, duke lënë të paktën 21 të vrarë. Sipas zyrtarëve të shëndetësisë në Gazë që kontrollohet nga Hamasi, sulmi u krye nga tanket izraelite, por ushtria izraelite mohoi të jetë pas goditjes në Al-Maëasi.
Ky sulm vjen vetëm dy ditë pas sulmit izraelit ndaj një kampi refugjatësh, që u dënua në shkallë ndërkombëtare. Shërbimet emergjente në Gaza thanë se katër predha tankesh goditën një numër tendash në Al-Maëasi, një zonë e ngushtë bregdetare, ku Izraeli i ka udhëzuar civilët nga Rafah të strehohen. Përmes një deklarate, ushtria izraelite tha se “përkundër raportimeve të disa orëve të fundit, Forcat Mbrojtëse të Izraelit nuk sulmuan Zonën Humanitare në Al-Maëasi”.
