Burrat të cilëvë u kanë rënë flokët mund të jenë më të rrezikuar dhe të vuajnë më shumë nga koronavirusi, thonë studimet e fundit.
Sipas prestigjozes britanike “The Telegraph”, lidhja është aq e fortë sa që disa studiues sugjerojnë që të qenit tullac duhet të konsiderohet një faktor rreziku, të cilën ata po e quajnë “shenja Gabrin”.
Emërtimi vjen pas mjekut të parë amerikan që vdiq nga Covid-19 në Shtetet e Bashkuara, Dr. Frank Gabrin, i cili ishte tullac.
Ne me të vërtetë mendojmë se të qenit tullac është një parashikues i përsosur i ashpërsisë së simptomave”, deklaroi Dr. Carlos Wambier, autori kryesor i studimit, të realizuar nga Universiteti Brown.
Të dhënat që nga fillimi i shpërthimit në Wuhan, Kinë, në janar kanë treguar se burrat kanë më shumë mundësi të vdesin pasi të infektohen me koronavirus.
