Studime të shumta janë kryer së fundmi në lidhje me raportin që kanë femrat me punën dhe se çfarë pasojash u sjellin orët e gjata. Një studim i fundit nga universiteti i Schuan në Kinë, që përdori të dhënat e 61 studimeve të ndryshëm që mbulonin afërsisht 4 milionë njerëz nga Amerika e Veriut, Evropa, Australia dhe Azia, ka dalë në përfundimin se gratë që punojnë turni i tretë janë më të rrezikuara që të diagnostikohen më kancer, në krahasim me ato që punojnë ditën.
Studiuesit në fjalë gjetën raste të kancerit të lëkurës në gjysmën e femrave që punonin turni i tretë. Po kështu gjetën se 1/3 femrave të marra në studim, ishin diagnostikuar me kancer të gjirit, 1/5 me kancer të stomakut. Shkencëtarët deklaruan se femrat me profesionin e infermieres ishin më të rrezikuara, konkretisht infermieret e turnit të tretë kishin 58% gjasa të diagnostikoheshin me kancer të gjirit, se sa infermieret e turnit të parë.
Gjithashtu rastet e kancerit te mushkërive tek infermieret e turnit te natës ishin më të larta, konkretisht në 1/4. Profesor Xuelei Ma deklaroi se “Studimi tregon se puna gjatë natës rrezikon seriozisht jetën e femrave”.
