Kalimi i kohës jashtë në diell mund të zvogëlojë rrezikun e infektimit nga koronavirusi.
Ky është përfundimi i një studimi të ri, të udhëhequr nga shkencëtarët ose-Luis Sagripanti dhe David Lytle, të cilët u shprehën se rrezet e forta të diellit mund ta vrasin koronavirusin në vetëm 34 minuta.
Në studim, ata analizuan se rrezet e diellit UV mund ta shkatërrojnë virusin në vende të ndryshme në periudha të ndryshme të vitit.
Analiza sugjeron që rrezet e diellit, në mesditë, në shumicën e qyteteve të SHBA dhe botës, gjatë verës mund të zhdukin 90% të koronavirusit që jeton në sipërfaqe në vetëm 34 minuta.
Në të kundërt, nga dhjetori deri në mars, studiuesit sugjerojnë që virusi mund të jetojë në sipërfaqe deri në një ditë ose më shumë.
Në studimin e tyre, të botuar në Photochemistry and Photobiology, studiuesit shkruan: “Të dhënat e paraqitura tregojnë se SARS-CoV-2 duhet të inaktivizohet relativisht shpejt (më shpejt se gripi A) gjatë verës në shumë qytete me popullsi të botës, duke treguar që rrezet e diellit duhet të kanë një rol në shfaqjen, shkallën e përhapjes dhe kohëzgjatjen e pandemive të koronavirusit. ”
Sidoqoftë, Organizata Botërore e Shëndetit ka paralajmëruar që rrezet e diellit nuk parandalojnë koronavirusin.
