Studentët do të rikthehen sot në auditorët e universiteteve, pas më shumë se një viti bllokimi për shkak të prezencës së COVID-19.
Gazetarja Aurora Golemi, raportoi për “BalkanWeb”, se në Fakultetin Ekonomik, ku dhe ndodhej, nuk lejoheshin studentë që nuk paraqisnin test vaksinimi, të paktën me një dozë të bërë, ose test PCR. Ajo tha se ky rregull po zbatohet në të gjitha universitetet e kryeqytetit, ndërsa shtoi se në ambientet e brendshme janë ngritur struktura të posaçme, që aplikojnë dozat vaksinave.
Për studentët që janë skeptikë për të kryer vaksinimin, zv. ministrja e Shëndetësisë, Mira Rakacolli, ka lajmëruar se në auditorë do të shkojnë ekspertë për të sqaruar të gjithë studentët lidhur me të mirat që sjell bërja e vaksinës, e për të siguruar se në të shumtat e rasteve nuk paraqet efekte anësore.
