Kryeministri Edi Rama, i shoqëruar nga kryetari i bashkisë Erion Veliaj dhe ministrja e Shëndetësisë po zhvillon një takim me studentët në konviktet e Mjekësisë për t’i dëgjuar për problemet që i shqetësojnë.
“Krijimi i partneriteteve mes ministrive dhe universiteteve sipas fushave, që do të thotë se ministria e Shëndetësisë do të ndjekë universitetin e Mjekësisë si një partnere për të gjitha problemet, po kështu edhe me të tjerat, kemi konstatuar probleme. Cdo ministri po ngre grupe pune për të bërë të gjithë inventarin e nevojave, më pas do të ndërtohet projekt zbatimi i paktit për Universitetin, me hapësirën fiskale të krijuar nga spostimi i projektit të PPP-së Thumanë -Kashar, kemi në dispozicion një shumë të konsiderueshme për të vijuar më pas me lidhjen e kontratave. Kështu do të fillojë ndërtimi i Kampusit Universitar’ tha Rama.
