Shakira ka zbuluar sekretin falë të cilit edhe në moshën 40-vjeçare vazhdon të duket shumë seksi. Pavarësisht obligimeve që ka, Shakira gjithmonë përpiqet të ushqehet mirë. Për këtë përkujdeset trajnerja e saj Anna Kaiser, e cila ka zbuluar edhe të fshehtat e regjimit të saj.
Këngëtarja ha tri herë në ditë dhe nuk lë anash as pemët dhe perimet. Por, ajo i përmbahet edhe një truku. Në fakt, ndërmjet drekës dhe darkës, Shakira i shmanget ëmbëlsirave dhe në vend të kësaj ajo konsumon supë.
“Nga ora katër pasdite, kur shumica dëshirojnë ëmbëlsira dhe kafe, supa është një opsion më i mirë, pasi që do t’ju mbrojë deri në darkë dhe nuk ka shumë kalori”, zbulon trajnerja e Shakirës.
Kjo nuk do të thotë se Shakira kohë pas kohe nuk ha edhe ëmbëlsira, gjë e cila është ok nëse bëhet në mënyrë të moderuar.
Shakira më 8 nëntor nis turneun ‘El Dorado World Tour’, i cili do të zgjasë deri më 10 shkurt të vitit të ardhshëm.
