Mbrëmjen e djeshme të Sanremos, pas natës së parë të festivalit, duket se shpërthen polemika e parë.
Dhe ka të bëjë me këngën që ka kënduar shqiptari Ermal Meta, me Fabrizio Moron “Non mi avete fatto niente” (nuk më keni bërë asgjë).
Kënga e Ermal Metës, sipas medias italiane mund të skualifikohet për shkak të editimit dhe kopjimit.
“Ngjashmëria” është vërejtur nga Altro Spettacolo i cili shkruan kështu për të dyja këngët:
Teksti paraqet analogji të dukshme me “Silenzio” të prezantuar nga Ambra Calvani dhe Gabriele De Pascali në seleksionimin e Sanremo Giovani 2016.
Këngëtari tjetër në duet Febo, është edhe autori unik i Silenzio. Në këngë në refren thuhet:
Nuk më keni hequr gjë; nuk keni marrë asgjë; kjo është jeta ime që ecën përpara pavarësisht njerëzve. Nuk më keni bërë asgjë.
Një frazë kjo që është e ripërsëritur në këngën “Silenzio” që kanë kënduar dy italianë të tjerë.
E njëjta frazë është edhe tek kënga e Moros dhe Metës, që është edhe një rikthim qoftë edhe muzikor i këngës Silenzio.
Në një intervistë të mëparshme Moro ka shpjeguar:
“Një pjesë e këngës ekzistonte, ishte e mbyllur në një kasafortë, me të cilën po punoja me një mik kantautor, Andrea Febo”.
Por në realitet, Silenzio, është luajtur vetwm nw versionin audio. Sipas një postimi në Instagram të Gabriele de Pascali në dhjetor 2015 dhe po ashtu edhe nga Ambra Calvani në korrik 2017.
Por kënga është fshirë nga website-i zyrtar i RAI-t.
Megjithatë ALPENEWS.al ka mundur që të bëjë një krahasim mes dy audiove të regjistruara fillimisht këngës pjesëmarrëse të artistit shqiptar Ermal Meta, dhe të dy muzikantëve italianë Ambra Calvani dhe Gabriele De Pascali.
Është e qartë që në momentin që dëgjohen të dyja këngët vihet re një ngjarshmëri e ‘frikshme’ në tekst, dhe pak më pak në orkestrim.
Videoja e publikuar nga RAI ITALIA e këngës së Metës: Shihe KËTU.
Në mediat italiane thuhet se do të ketë një vendim të dytë nga brendësia e organizatorit mediatik RAI dhe vetë institucionit të muzikës së ‘SANREMO’-s.
/AlpeNews.al
