Triumfi i Ermal Metes ne edicionin e 68 te Festivalit mitik te kenges se lehte italiane, Sanremo, e ka pasuruar edhe me tej historine e suksesit shqiptar ne artin dhe kulturen e fqinjit tone pertej Adriatikut.
Italia dhe italianet me votimin e tyre te mbremshem, na dha nje prove tjeter se ka qene dhe mbeten porta jone e pare per orientimin tone drejt qyteterimit perendimor.
E ku ka me bukur se kjo te ndodhe nepermjet artit, muzikes, kenges duke nisur nga nje skene qe ka ushqyer per breza e breza te tere shqiptare dashurine per artin por edhe endrrat me perendim.
Kush jane tre shqiptaret qe e kane shkruar tashme historine tyre, por edhe tonen, ne festivalin e Sanremos?
ANNA OXA, e lindur ne 28 prill 1961 ne Bari te Italise, me emrin Iliriana Hoxha, vajza e Qazimit nga Kruja, i larguar ne vendin fqinjë rrotull Luftës së Dytë Botërore.
Eshte ngjitur per here te pare ne skenen e Teatrit Ariston te Sanremos, ne moshen 15 vjeçare. Ka fituar per here te pare Festivalin e Sanremos, ne vitin 1989, vit gjate te cilit perfaqesoi Italine ne Eurovizion. Dhjete vjet me vone, e ka fituar serisht vendin e pare ne Sanremo ne vitin 1999.
Ishte koha kur sapo ishte martuar me Bexhet Pacollin, ministrin e sotem te Jashtem te Kosoves, presidenti i Mabetex, miliarderit qe sapo ishte bere i njohur per shkak te fitimit te tenderave miliardesh ne Kremlin gjate qeverisjes se ish Presidentit te Rusisë, Boris Jelcin.
Sapo Kosova u çlirua, shqiptari me i pasur ne bote i asaj kohe Pacolli, u celebrua me shqiptaren me te famshme te kohes. Pothuajse nje version shqiptar i historise se marteses se miliarderit grek Aristotel Onasis me Zhkalin Kenedi. Martesa e Pacollit me Oxen zgjati nga 25 shtatori i 1999 e deri me 2002.
ELSA LILA, kengetarja shqiptare qe ishte ngjitur ne skene si edhe Ana Oxa ne moshen 15 vjecare duke fituar festivalin e kenges ne RTSH ne Shqiperi, u be shqiptarja e pare e lindur ne Shqiperi qe ngjiti skenen e Sanremos.
Ne vitin 2003 Elsa Lila u perfaqesua me kengen “Valeria”, duke e bere te paharrueshme kete prezantim, per shkak te pershendetjes qe beri ne gjuhen shqipe perkrah te madhit Pippo Baudo qe e prezantoi ne menyren me te mire, siç di veç ai.
Ne vitin 2007, Elsa Lila u rikthye ne Sanremo me kengen “Il senso della vita”. Nje rikthim edhe me shqiptar kete radhe, po te rikujtojme se ate vit, ne naten e trete te festivalit u ngjiten ne skene per te pershendetur me nje numer baleti, Ambeta Toromani dhe Klejdi Kadiu.
ERMAL META eshte i treti i verteti prej shqiptareve qe na kane prezantuar denjesisht ne festovalin e muzikes se lehte italiane.
Ai triumfoi ne Sanremo, duke fituar jo vetem çmmin e publikut, por edhe vendin e pare dhe do te perfaqesoje gjithashtu Italine, ne Eurovizion.
Fitorja e Ermal Metes me këngën “Non mi avete fatto niente” u bë edhe me e veçantë pasi pergjate neteve te festivalit, kenga e tij u pezullua njehere nen “akuzen” per plagjiature(?!) Kjo e beri edhe me te embel hakmarrjen e tij te bukur profesionale.
Gjithesesi, nuk e besojme se shqiptaret do mund te marin pjese, e jo me te fitojne ndonjehere festivalin kombetar te muzikes se lehte te ndonje vendi tjeter fqinj. Apo jo?!
Përgatiti: Alpenews.al
