Kryeprokurori i Posaçëm, Altin Dumani, ka udhëtuar drejt Shteteve të Bashkuara të Amerikës, ku pritet të zhvillojë një takim zyrtar në Departamentin Amerikan të Shtetit (DASH).
Sipas njoftimit zyrtar të DASH, Dumani do të takohet me Brendan P. Hanrahan, zyrtar i lartë për çështjet evropiane dhe euro-aziatike. Takimi do të zhvillohet me dyer të mbyllura, pa praninë e mediave.
Ende nuk janë bërë publike detaje mbi temat e diskutimit, por burime zyrtare bëjnë me dije se takimi do të mbahet në orën 16:30 me orën lokale të Uashington DC, që korrespondon me orën 22:30 në Shqipëri.
Vizita e Dumanit në SHBA shihet si një zhvillim i rëndësishëm në kuadër të bashkëpunimit mes institucioneve amerikane dhe SPAK për çështjet e drejtësisë dhe luftës kundër korrupsionit.
