Presidenti i vendit, Ilir Meta ka dhënë një mesazh të fortë sot për Ditën Ndërkombëtare të Holokaustit. Kjo ditë është caktuar nga Asambleja e Përgjithshme e OKB pasi përkon me përvjetorin e Çlirimit të kampeve të vdekjes në Auszhvitz nga forcat e ushtrisë së kuqe sovjetike me 1945.
Ai ka postuar një foto me një nga punonjësit e tij Edvin Shavarc, djalin e përkthyesit të shquar Robert Shvarc, të cilët njihen për origjinën e tyre hebreje.
“I bashkangjitem nismës globale për të mos harruar viktimat e Holokaustit në mënyrë që antisemitizmi, mungesa e tolerancës dhe shkeljet e të drejtave të njeriut të mos përsëriten kurrë më”- shkruan presidenti Meta ne faqen e tij ne FB, teksa poston.
