I ashtuquajturi “Kasapi i Buchas”, nënkoloneli rus Azatbek Omurbekov, është shënjestruar nga një valë e re sanksionesh nga qeveria e Mbretërisë së Bashkuar.
Omurbekov drejtoi një njësi ushtarake që pushtoi qytezën, në afërsi të Kievit, ku qindra trupa të pajetë u gjetën në varre masive pas largimit të forcave pushtuese.
Ndaj tij është vendosur ndalim udhëtimi dhe ngrirje të aseteve së bashku me disa komandantë të tjerë, nga autoritetet britanike.
Mbështetësit e tjerë të pushtimit rus të Ukrainës janë goditur gjithashtu, duke përfshirë Oleg Belozyorov, CEO dhe kryetar i kompanisë logjistike Russian Railëays.
Sekretarja e Jashtme Liz Truss tha: “Shterrimi i sulmit të Rusisë ndaj popullit të Ukrainës është i qartë për të gjithë… Vala e re e sanksioneve të sotme godet gjeneralët dhe kompanitë e mbrojtjes që kanë gjak në duart e tyre.”
