SOT GJYQI PARAPRAK NDAJ ILIR METËS/ Kryemadhi paraqitet në SPAK

Qeveria ka vendosur të akordojë një fond prej 97 milionë eurosh për bonusin e fundvitit që do t’u shpërndahet pensionistëve në të gjithë vendin. Ky është një nga fondet më të mëdha të miratuara vitet e fundit për këtë kategori, me qëllim mbështetjen e të moshuarve për përballimin e kostove të jetesës në prag të festave.
Në rishikimin e fundit të buxhetit, shtesa në fondin e bonusit parashikohet të jetë 5.9 miliardë lekë ose 61 milionë euro, përveç vlerës së programuar më herët prej 3.5 miliardë lekësh.
Sipas aktit normativ, shpërndarja e bonusit do të kryhet sipas skemave të përcaktuara në vendimin e Këshillit të Ministrave. Ashtu si një vit më parë, pensionistët me pensione mbi 20 mijë lekë do të përfitojnë 10 mijë lekë bonus, ndërsa ata me pensione nën këtë shumë do të marrin 15 mijë lekë.
Nga kjo ndarje pritet të përfitojnë rreth 756 mijë pensionistë, përfshirë përfituesit e pensioneve të pleqërisë, invaliditetit, sociale, suplementare si edhe të ushtarakëve.