Kosova dhe Shqipëria kanë nxjerrë kancelaren gjermane Angela Merkel si lideren e preferuar, në anketën e realizuar nga Gallup International të vitit 2018, në lidhje me mendimet që kanë qytetarët e 55 shteteve për udhëheqësit botërorë.
Në Kosovë, 77% e qytetarëve kanë mendim pozitiv për Merkel, kurse në Shqipëri kjo shifër shkon në 82%.
57% te kosovarë kanë mendim pozitiv për Erdogan, kurse 47% e tyre e shohin pozitivisht presidentin amerikan Trump.
Mirëpo është një dallim i madh se si e shohin qytetarët e të dy vendeve presidentin rus, Putin.
10 % të kosovarëve kanë mendim pozitiv për Putinin, kurse 59 për qind kanë mendim negativ për të.
Në Shqipëri lideri i dytë më i preferuar është pikërisht Putin, me 68% njerëz që ndajnë mendim pozitiv për të.
Putin lë pas Trumpin, për të cilin 67 % e qytetarëve të Shqipërisë kanë mendim pozitiv, kurse 30 % ndajnë mendim negativ.
