Kreu i grupit parlamentar të PS-së, Taulant Balla deklaroi se zgjedhjet e 25 prillit janë test I rëndësishëm politik.
Gjatë një deklarate për mediat, socialisti Balla tha se Shqipërisë sot i duhet kodi zgjedhor në fuqi, në mënyrë që institucionet përgjegjëse të marrin kohë për përgatitjen e zgjedhjeve.
“Ajo që po ju them është tërësisht tjetër. Po them se Shqipërisë sot i duhet kodi zgjedhor në fuqi që institucionet të marrin gjithë kohës e përgatitjes së zgjedhjeve. Ju kërkova mirëkuptim për sot. Sa i përket se kush është me europian dhe kush e dëgjon më shumë Europën, mjafton që të kujtoni se si shprehej Ilir Meta për Venecian: “S’është bërë Venecia që të më mësojë kushtetutën e vendit tim”. Kështu shprehej Ilir Meta para ca kohësh. Hapini arkivat e shikoni. Pozicioni i PS, i grupit të saj, është në koherencë me partnerët e Shqipërisë. Edhe ky fakt, që në Kuvendin e Shqipërisë, kemi miqtë më primar të marrëdhënies sot me SHBA dhe BE, sekretari Pomepo dhe Sassolo, është kuptimplotë të mendojmë se në asnjë moment nuk jemi kundërvënie. Por jemi në kohë për të përgatitur në kohë zgjedhjet e 25 prilli. Zgjedhjet janë test politik. Kush ka ndërmend të vërë pengesa për realizimin e tyre në kohë, mendoj se njëherë e ka marrë përgjigjen dhe s’ka nevojë t’ja përsërisim.”, tha Balla. Pyetjes nëse kodi do të implementohet brenda zgjedhjeve të 25 prillit, Balla tha; “Vetëm kështu s’di po veprojmë ne, ka mundësi që të akomodohet. E kundëtra e pamundur.
Kur ai ligj rrezohet, ai nuk mund të hyjë në një kohë 6 mujore në Kuvend. Këtë e di dhe Ilir Meta, pasi ai kaloi një pjesë të jetës politike në Kuvend. Spiralja dhe rrengjet që mundohet të krijojë, këto janë gjera të qarta. Mendoj se mund të jemi parlamentit i vetëm që e ka miratuar anti-semitizmin. E ka miratuar me 111 vota.”, tha Balla.
