Leon Bailey është zbulimi i vitit në kampionatin gjerman Bundesliga.
Sulmuesi i talentuar nga Xhamajka ka shkëlqyer këtë edicion me fanellën e Bayer Leverkuzenit.
E paraqitjet e tij nuk kanë shkuar pa u vënë re nga skuadrat e mëdha evropiane.
Më të interesuarat mbetën skuadrat angleze si Chelsea, Liverpool, Arsenal dhe Manchester United.
Por talenti nga Afrika po pëlqehet edhe në Serie A nga Roma dhe Milani.
Te klubi gjerman janë të vetëdijshëm se lojtari mund të largohet për një skuadër më të madhe.
Kësisoj drejtuesit e klubit kanë vendosur edhe për shumën që e duan për ta lënë të lirë Baileyn.
Ajo skuadër që tenton transferimin e lojtarit duhet të paguajë së paku 50 milionë euro për të.
20-vjeçari ka zhvilluar 22 ndeshje në të gjitha garat me klubin gjerman ku ka shënuar 10 gola dhe ka bërë pesë asistime.
