Prokuroria italiane ka zbuluar një skemë mashtrimi nga një kompani në Itali që kishte fituar tender për prodhimin e uniformave anti Covid të mjekëve dhe infermierëve.
Këto veshje nga hetimet kanë rezultuar se prodhoheshin në Shqipëri ilegalisht.
Veshjet më pas dërgoheshin në Itali me një cmim nga 6 euro në 10 euro secila.
Sipas mediave italiane, skema korruptive ishte kruer nga grupi “GAP”, me seli në Romë, i cili në nëntor të 2020 kishte fituar tenderin nga komisari i jashtëzakonshëm për emegjencën pandemike në Itali, për prodhimin e 11 milionë veshjesh një përdorimëshe shëndetësore anti Covid.
Pronare e këtij konsorciumi rezultonte Cristiana Ferraciula, shtëpiake nga Ladispoli e cila është në hetim.
Por Prokuroria e Pratos thotë se pronarë të vërtetë të Gap ishin vëllezërit Samuele e Massimilaono Piccolo.
Samuele Piccolo ka qenë nën kryetar i Këshillit Bashkiak të Romës në vitin 2008.
Mësohet se janë 32 persona nën hetim për këtë skemë mastrimi dhe konsorciumit i janë sekuestruar rreth 43.2 milionë euro pasuri.
