Një video perverse e cila flitet të ketë pamje mjaft jo etike për të gjetur publikim, është në duart e nxënësve të shkollës 9-vjeçare “Adem Gjeli” në qytetin e Fushë-Krujës.
Nxënësit kanë në telefona këtë video-skandal, protagonist në të cilën është mësuesi i matematikës së kësaj shkolle. Video i është dërguar në mesazh privat në facebook, ish-kryeministrit Sali Berisha, me kërkesën për të ruajtur anonimatin e denoncuesit. Berisha thotë se për arsye etike nuk e publikon videon, por referuar denoncimit, thotë se drejtoresha e shkollës ka bërë presion që kjo ngjarje të mbetet vetëm brenda mureve të shkollës.
“Një video skandaloze qarkullon ne telefonat e nxënësve ne Shkollen “Adem Gjeli” ne Fushe Krujë. Narkodrejtoresha bën presion të mbylle skandalin. Lexoni mesazhin e qytetarit dixhital. Për arsye etike nuk po publikoj videon ne FB”, shkruan Berisha.
Mesazhi i denoncimit
“Pershendetje dr.Berisha. Me turp por sot ne shkollen 9-vjecare Adem Gjeli ne Fush Kruje ne telelefonin e nxenesve qarkullonte nje video perverse e mesuesit te matematikes. Duke mos mjaftuar kjo nxenesit dhe mesuesit jane perballur me presionin e Dr.Nikolina Karaj e cila e kaloi ne heshtje si dhe shume ngjarje te tjera te ndodhura ne kete shkolle. Te dergoj videon por dua anonimat te plote. Me shume respekt personit me te besuar Dr.Sali Berisha”
Video e siguruar nga mediat