Ka qenë një skandal më vete historia e ceremonisë për nder të ish-lojtarit bardheblu Ali Mema. Klubi Tirana para ndeshjes të së shtunës i ka kërkuar delegatit të takimit që Ardian Mema në momentin e minutës së heshtjes dhe ceremonisë të dilte në pistë. Bujar Pregja nuk ka pranuar të jepte leje dhe i është drejtuar shefit të Garave, Lysien Nurishmi.
Ky i fundit nuk e ka marrë përsipër këtë vendim dhe ka marrë në telefon Ilir Shulkun. Edhe pas disa telefonatave të njëpasnjëshme, sërish Ardian Mema nuk u lejua që të ulej në pistë, sepse ishte i dënuar dhe u la vetëm pak sekonda të dilte në tribunë gjatë ceremonisë për të atin.