Mark Zuckerberg po përballet me zhgënjimin e përdoruesve pas skandalit me Facebook. Ky është pikërisht çmimi që ai po paguan.
Pasuria e tij ra me 16.8 miliardë dollarë të Mërkurën, pasi aksionet e gjigantit të medias sociale u ulën me 20% në orën 5:37 të pasdites në New York. Nëse kjo do të vazhdojë edhe ditën e sotme ai do të zbresë në vendin e 6 nga vendi i 3 në Bloomberg Billionaires Index. Kjo rënie e menjëherëshme jo vetëm që do i fshijë fitimet prej 13.7 miliardë dollarë për vitin, por do ta lejë atë me më pak se 70 miliardë dollarë.
Të ardhurat e tremujorit të dytë dhe vizitorët mesatarë ditorë nuk ishin në përputhje me vlerësimet e analistëve, sipas një deklarate nga kompania Menlo Park, Kaliforni. Kompania po ballafaqohet me ligje të reja të të dhënave në Europë, kritika ndaj politikave të përmbajtjes dhe çështjeve të privatësisë.
