Paolo Guerrero është pezulluar për një vit nga futbolli pasi ka dalë pozitiv në testet për kokainë metabolite, që do të thotë se kapiteni i Perusë do nuk do të marrë pjesë në Kupën e Botës vitin e ardhshëm në Rusi.
33-vjeçari rezultoi pozitiv në testet e kokainës metabolite pas një ndeshjeje kualifikuese kundër Argjentinës më 5 tetor dhe u pezullua për një periudhë prej 30 ditësh, që e la atë jashtë fitores së vendit të tij në ndeshjet “play-off” kundër Zelandës së Re.
Por, FIFA ka njoftuar sot se Guerrero është i pezulluar për një vit. Ky ndëshkim nis më 3 nëntor, atëherë kur edhe u mor vendimi për pezullimin e tij, çka nënkuptohet se ai nuk do të jetë në gjendje ta luajë në Kupën e Botës në Rusi, që fillon në qershor të vitit të ardhshëm.
Guerrero, i cili luan për Flamengon, shënoi pesë gola në eliminatore, duke i ndihmuar Kombëtares ta sigurojë vendin e pestë.
