Një tjetër skandal pas atij të Juventusit ka shpërthyer në Itali. Kësaj here bëhet fjalë për Napolin, i cili do të hetohet për mënyrën e shpërndarjes së biletave, pasi dyshohet se persona të lidhur me mafien italiane “Camorra” janë pajisur me bileta në stadium.
Presidenti I Juventusit, Andrea Angelli u përfshi në një skandal të ngjashëm ku rrezikoi të pezullohej nga aktivitetet sportive, pikërisht për të njëjtën arsye, atë të shitjes së biletave në mënyrë të paligjshme, disa prej ultrasve të ‘Ndraghetas’.
Kur trupi gjykues konstatoi që Presidenti i Juventusit nuk e dinte se ky grup i përkiste mafias, atij iu hoq madsa e dënimit, të cili e apeloi.
Sot Gazetta dello Sport raportoi se një investigim i ngjashëm ku përfshihet skuadra e Napolit, ka të përfshirë edhe disa lojtarë, të cilët janë fotografuar me disa pjesëtarë të grupit kriminal. Mbetet të theksohet se nëse akuzat do të konfirmohen, nuk do të ndërmerren masa ndaj lojtarëve, të cilët kurrsesi nuk mund të njohin individët e kësaj organizate.
“ Investigimi është i njëjtë si ai i Juventusit, por në këtë situatë ajo është marrë përsipër nga Prokurori Napoletan”
“ Ne do të shohim cfarë do të ndodhë, por nëse akuza konfirmohet, ateherë neni 12 ndalon shoqëritë të cilat kanë lidhje me grupe të organizuara” – u shpreh Marco di Lleo për Radio Crc, i cili përfaqëson komisionin anti-mafia.
Mbetet të shihet reagimi i zyrtarëve të Napolit, pasi nëse kjo akuzë konfirmohet atëherë skandali do të marrë përmasa edhe më të mëdha për Napoletanët.
Përgatiti: AlpeNews.al
