Apeli i Krimeve të Rënda ka lënë sot në burg 39 të arrestuarit që akuzohen për trafik klandestinësh drejt Kanadasë dhe Amerikës.
Sipas policisë, rreth 1 mijë shqiptarë janë dërguar në këto shtete me dokumente të falsifikuara, nga një grup i mirëorganizuar.
Sakaq, një prej të arrestuarve pretendoi sot në gjykatën e Apelit se është arrestuar gabimisht.
Bëhet fjalë për Besnik Vuçajn, i cili deklaroi në sallë se nuk ka lidhje me grupin e goditur nga policia në kuadër të operacionit “Porosia e fundit”, tha se nuk ka pasur kurrë pasaportë dhe nuk ka dalë asnjëherë jashtë vendit.
Teksa pretendoi se ka të njëjtin emër dhe mbiemër (Vuçaj ) me të njëjtin person që jeton në Irlandë.
Më 10 mars 2018 kur policia deklaroi emrat e personave të arrestuar ishte dhe emri Besnik Vuçaj, 49 vjeç, lindur në Shkodër, por rezident në Irlandë.
