Në ditën kur bota e futbollit e jo vetëm humbi padyshim një prej lojtarëve më të mirë që ka patur historia, cdokush anë e mbanë globit shkruajti dy fjalë për Diego Armando Maradonën.
Çdokush me pozitë, përveç dy tre liderëve në Shqipërisë.
Mesa duket Luzim Basha dhe Ilir Meta janë aq të indoktrinuar sa nuk kanë bërë asnjë postim në rrjetet e tyre sociale.
Jo se nuk janë tifozë, sepse mjafton ti hysh në profilet e tyre dhe do hasesh me sportiest deri në amator që njëri I përkujton e tjetri I dekoron. Pa harruar këtu edhe “Celticun” që është dhe pika e dobët e Presidentit tonë.
Por cila është arsyeja?
Një pjesë na e zbulon edhe sekretari I PD Çlirim Gjata, teksa në një artikull tejet të gjatë shkruan:
E kush ishte Maradona?! Një futbollist i shquar për 10 vjet e më pas një i llastuar për 30 vite. Sa herë kishte nevojë për para, shkonte te komunistët në Kubë dhe bënte lolon e Fidel Kastros.
Opozita shqiptare mesa duket është e vetmja në botë që ditën e vdekjes nuk e sheh Maradonën si një gjeni të futbollit por si “kundërshtar politik”.
Si të majtë. Si komunist.
Madje që paska patur edhe shfaqje të huaja jashtë fushave të blerta dhe nuk ka patur qendrime “politikisht korrekte”, meqë është edhe futbollist!
Përshembull: Shoqërimi me Fidel Kastron, mbajtja e tattoo-ve me Ce guevaren apo dhe ndonje foto tek tuk të Mao Ce Dunit.
Me këto mëndësi, opozita shqiptare që e mban veten si antikomuniste na ktheu 30 vite pas kur për shfaqje si këto të Maradonës mund të përfundoje edhe në burg…
Hapu Dhe, AlpeNews.al
