Kryeministri Edi Rama ka reaguar për herë të parë lidhur me akuzat e Partisë Demokratike për një fluturim gjatë fundjavës në Francë me avion charter.
Në një postim në Twitter Rama e pranon që ka udhëtuar “pasditen e të premtes e jam kthyer mesditën e të shtunës për një vizitë informale të nivelit të lartë”.
Lidhur me deklaratat dhe akuzat për shpenzime luksi Rama thotë se “shpenzimet e luksit e të fundjavave jashtë” ua kam lënë atyre që të vetmen punë kanë të më shajnê ditë-natë! Pikë”.
REAGIMI I PLOTE
Unë s’jam në Francë po në Shqipëri qysh pardje! Kam shkuar pasditen e të premtes e jam kthyer mesditën e të shtunës për një vizitë informale të nivelit të lartë dhe “shpenzimet e luksit e të fundjavave jashtë” ua kam lënë atyre që të vetmen punë kanë të më shajnê ditë-natë! Pikë.
Sa për Reformën Zgjedhore dhe dizinformimet që vazhdojnë, do të presim edhe sot pa folur pasi kemi bërë pjesën tonë duke respektuar afatin 31 maj! Sot kemi angazhuar edhe ushtrinë për operacionin e pastrimit të inerteve nga sheshet e Rindërtimit, ku shpejt do të nisin projektet😊
