Ish-presidenti i vendit Alfred Moisiu ka dalë sot para mediave me një deklaratë publike ku u ka tërhequr vëmendjen palëve politike në vend duke u kërkuar që të ulen menjëherë në dialog dhe të mos venë në plan të parë interesin vetjak siç po bëjnë, por të vënë atë të popullit shqiptar dhe të vendit.
Ai tha se kriza politike po thellohet se duhet të gjendet një zgjidhje sa më parë dhe afatgjatë.
Ai tha se shtyrja e vendimit për hapjen e negociatave në tetor, është një periudhë e shkurtër, dhe se kriza politike po e dëmton këtë proces.
“Hapja e negociatave është prioritet për vendit tonë, në shtyrjen e vendimit ka ndikuar hezitimi i disa vende të BE dhe kriza në vend.
Hapja po përdoret si instrument i luftës politike mes opozitës dhe mazhorancës.
Deri në tetor është kohë e paktë për të bindur palët
Kriza politike po përkeqësohet
Është koha e fundit për dialog mes palëve për të gjetur një zgjidhje në favor të popullit dhe jo në kurriz të tij
Koha për një zgjidhje afatgjatë
E patolerueshme nxitja e urrejtjes ndaj shqiptarëve për interes politik apo vetjak të disa figurave politike
Përdorimi i shprehjeve luftënxitëse, apo përçarje, dhunimi institucioneve, mungesa e dialogut mes partive kryesore, etj, gjithë këto faktorë kanë çuar në cënim të sigurisë, dhe demokracisë së brishtë shqiptare, që po cënojnë imazhin e vendit në botë, veprime që bien ndesh me dëshirat e popullit dhe integrimin e vendit
Gjendja e krizës ku ndodhet vendi, në vend qe t’i bente te reflektonin dhe te nga kjo, palet politike kanë vendosur interesat personale dhe partiake mbi interesat e vendit
Kjo situatë duhet të marrë fund përmes një reformimi të thellë dhe një pakti kombëtarë për integrimin
Ju drejtohemi partive politike, dhe cilitdo që ka zë në vendim politik për:
1- mbrojtja e integritetit të zgjedhjeve
2- pranimi i faktit se ndryshimi kushtetues në 2008 prishi ekuilibrin kushtetues dhe sollën efekte
3 -ndryshimin e procesit zgjedhor, zgjedhjen e presidentit drejtpërsëdrejti nga qytetarët
4 -Forcimin e institucioneve që garantojnë kushtetutshmëri
5-në funksion të rritjes së besimit të procesit politik e zgjedhor, forcat politike të rikthehen ne dialog institucional”, u shpreh ai nder te tjera.
