Profesoreshë Najada Çomo ka treguar te dhënat e dy javëve te fundit për situatën në spitalin Covid1, ne konferencën e Komitetit Teknik te Eksperteve.
Shefja e Spitalit Infektiv theksoi se per here te pare, numri i personave te sheruar nga Covid-19 e kalon ate te personave te shtruar qe kane nevoje per mjekim.
“Në dy javët e fundit kemi ulje të numrit të të shtruarve, varion nga 15-20 raste në 24 orë gjithsej të shtruar.
Numri i atyre që paraqiten në spital është deri në 3 raste gjatë 24 orëve.
Nga 45-65 vjec eshte grupmosha më e prekur, 60% të atyre që janë shtruar.
Për herë të parë ndodh që në spital mbizotëron numri i të shëruarve krahasuar me numrin e të shtruarve.
Eshte dyfishuar numri i pacientëve të dalë nga spitali krahasuar me numrin e pacientëve të shtruar, është ulur numri i personave që kanë ndërruar jetë.
Mbizotëron numri i personave të pavaksinuar që janë shtruar në spital”, theksoi Como.
