Spitalet britanike janë njoftuar për përgatitjet për fillimin e vaksinimeve të koronavirusit brenda dhjetë ditëve të ardhshme, me mjekët dhe infermierët nga Shërbimi Shëndetësor Kombëtar (NHS) që janë të parët që do vaksinohen, sipas Guardian.
Spitalet e Anglisë mund të marrin furnizimet e para të vaksinave Pfizer, deri të hënën, 7 dhjetor, pasi miratimi i vaksinës pritet të jepet në ditët e ardhshme.
Sipas planit të qeverisë, fillimisht vetëm personeli mjekësor do të jetë ai që do të vaksinohet.
Kjo ndryshon planin fillestar të qeverisë, ku përparësi u tha se do të kishin të moshuarit, duke bërë që në vend të shpërthejnë kritikat.
Megjithatë, shkak për ndryshimin e vendimit u bë vetë natyra e vaksinë së Pfizer, që kërkon kushte shumë specifike mbajtje dhe nuk mund të transportohet lehtësisht.