Pandemia e COVID-19 do të zgjasë për të paktën edhe një vit e gjysmë, pretendon presidenti italian i Institutit të Shëndetësisë, Silvio Brusaferro.
“Në dallim nga fatkeqësitë natyrore që mund të jenë dramatike por edhe afatshkurtër siç është për shembull tërmeti, pandemia shkakton stresin që zgjat më shumë. E sistemi shëndetësor po punon në zhvillimin e strategjisë që do të na ndihmojë të adaptohemi në një situatë të tillë, e disa prej atyre masave do të jenë sigurisht afatgjate”, ka shtuar Brusaferro.
Ai thekson se deri më sot nga pandemia kemi mësuar shumë që masat preventive janë thelbësore, sepse na ndihmojnë në shmangien e një krize shëndetësore.
Sipas tij, masat preventive janë shumë të dukshme nëse ato funksionojnë siç duhet.
