Aksioni i antidrogës i zhvilluar një natë më parë, çoi në zbulimin e një laboratori droge. Lidhur me këtë ngjarje pati edhe një reagim zyrtar nga SPAK, ku u zbulua me detaje se si operonte ky rrjet kriminal. Në pranga janë tashmë 10 shtetas. Ndërkohë në një intervistë në “News Hour” në ABC News, gazetarja Etleva Delia, ndërsa foli për këtë aksion tha se hetimet pritet të vazhdojnë, pasi mund të ketë edhe persona të tjerë të përfshirë.
“Zyrtarisht thanë se shkëmbyen informacion jo vetëm në Brazil por edhe në vende të tjera të Amerikës së Jugut. Brazili po përdoret për të përpunuar drogën
Saktësisht nga informacioni i ndarë nga SPAK nuk thuhet nëse është e lidhur me Brazilin, por është e përfshirë Amerika e Jugut. Janë disa porte kyçe, dhe ka pasur raste ku para dy vitesh ishte një rast i ngjashëm ku ishte me pleh organik dhe vinte kokaina më pas përpunohej dhe ndahej. Edhe në këtë rast kemi edhe ekspertë nga Kolumbia dhe Venezuela. Nga këto detaje që kemi deri tani dyshohet që është një grup me financa të forta sepse duket që kanë shpenzuar miliona për të arritur deri në këtë pikë sidomos edhe për faktin që në Tiranë është përdorur një zonë ku nuk futej kushte dhe po ashtu kishin gjetur disa pika për të vepruar dhe për të bërë përpunimin e lëndës narkotike. Por ka edhe një bashkëpunimin me grupe kriminale të huaja, dhe nuk përjashtohet mundësia që të ketë edhe bashkëpunime me grupe kriminale në Amerikën e Jugut, por edhe me grupe kriminale në BE. Kjo sasi drogë është futur gjatë tetorit dhe nëntorit, pra tani së fundmi. Hetimet mund të jenë më të gjata. Ndoshta edhe vizita e Dumanit në Brazil mund të ketë shërbyer për të marrë informacion. Deri tani kemi 10 të arrestuar, por besoj që mund të ketë edhe persona të tjerë sepse bëhet fjalë për një rrjet më të organizuar dhe më të gjerë se kaq. Në raportin e vitit t kaluar që bëri në Prokurorinë e theksoi se grupet kriminale kanë gjetur terren dhe po bashkëpunojnë me Amerikën e Jugut dhe janë kryesish nga Shqipëria e Mesme dhe përdorin edhe rrugën e Portit të Durrësit. Besoj që hetimet nuk mund të mbyllet me kaq dhe do vazhdohet edhe me kontrolle në ambiente të tjera”, tha ndër të tjera ajo.
