Nuk është hera e parë e me siguri nuk do jetë as e fundit, që kryetarja e LSI, Monika Kryemadhi “përdor” emrin e Presidentit Ilir Meta në debate apo sulme.
Sot në Kuvend, veç akuzave që ngriti drejt ministers Gjonaj, Kryemadhi përmendi një lidhje fisnore që Gjonaj dhe Ilir Meta kishin.
Ende e paqartë është motivi, nëse ishte formë presioni ndaj kryetares së LSI, apo “zbutje” e akuzave të renda që po bënte.
Rastet kur Kryemadhi e ka “përdorur” në një formë apo tjetër Presidentin Meta nuk janë të pakta, e madje kanë qënë edhe deklarata mbi intimitetin e tyre, duke shkaktuar më pas batuta të mëdha në rrjet.
Sot në Kuvend: “Nuk jam marr se eshte kusherira e Metës”
“Nuk po merrem sot me ministren e Drejtësisë sepse nuk qenka këtu në sallë. Por meqenëse ajo paska dëshirë shumë të madhe për të luftuar korrupsionin, po i bëj me dije asaj dhe kryetarit të Komisionit të Ligjeve, që shantazhet ndaj gjyqtarëve dhe prokurorëve quhen shkelje e ligjit. Dhe shumë shpejt do ta ketë të faktuar sesi ajo shantazhon gjyqtarët dhe prokurorët për të arrestuar punonjës të Ministrisë së Drejtësisë, se vetëm në këtë mënyrë do të largojë punonjësit nga Ministria, sepse me gjyq janë kthyer të gjithë në punë. Dhe gabimisht ka futur në listë edhe motrën e sekretares së përgjithshme të njeriut të saj, apo edhe shumë të tjerë bashkëshortë deputetësh këtu në sallë që janë të Partisë Socialiste. A e ka luftë personale të saj apo e ka nga budallallëku, unë për hir të së vërtetës nuk e kam sulmuar duke pasur parasysh që është kushërira e një lidhje familjare të Ilir Metës, për shkak të lidhjeve të mia familjare me të.”
“Po të kisha 92 deputetë do shkarkoja Ilir Metën”
Kryetarja e LSI-së Monika Kryemadhi, u shpreh se po të kishte numrat e nevojshme, do shkarkonte nga detyrua Presidentin e Republikës, i cili është edhe bashkëshorti i saj.
Po të kisha 92 deputetë do shkakorja Presidentin, tha Kryemadhi, do ta shkakorja për motivacionin e dhënies së fuqisë së kriminelit Edi Rama.
“Kam 12 ditë pa e parë Metën”
Kryetarja e LSI Monika Kryemadhi e pyetur nga gazetarja nese ka ardhur koha qe Presidenti Meta te therrase ne nje tryeze kreret e 3 partive politike ne vend, per reformen ne drejtesi, u shpreh:
“Te them te drejten kam nja 12 ditë që s’e kam parë Metën dhe për reformën s’kam folur se nuk më intereson fare cfarë bën presidenti për reformën, kushtetuta ia ka heq të drejtën të merret me këtë gjë.
“Bëj dashuri me Ilir Metën”
Për raportin me Metën, Kryemadhi në një studio televizive është shprehur edhe për raportin intim.
“Në 27 vite që unë jam me Ilir Metën, jeta jonë në çift ka qenë e kushtëzuar dhe tek fëmijët dhe në familje. Kjo është periudha më e bukur sepse atë pak kohë që rrimë e shijojmë, se dhe fëmijët janë rritur. Ata janë me studime dhe na gjykojnë, kanë një qëndrim gjykues karshi nesh. Ka pasur raste që mendimet e mia me mendimet e Ilir Metës kanë qenë aq të kundërta dhe kemi ndenjur me javë pa folur.
Ore dashuri me Ilir Metën bëj unë, mos e ki atë merak ti. Nuk bëj vetëm politikë.
/AlpeNews.al
