Organizata Botërore e Shëndetësisë (OBSH) tha të martën se një milion vdekje nga COVID-19 ishte “një moment shumë i trishtuar”, pasi shumë viktima pësuan “një vdekje jashtëzakonisht të vështirë dhe të vetmuar” dhe familjet e tyre nuk ishin në gjendje të thoshin mirupafshim.
Numri i vdekjeve globale të koronavirusit u rrit mbi një milion të martën, sipas një liste të Reuters, një statistikë e zymtë, në një pandemi që ka shkatërruar ekonominë globale, mbingarkuar sistemet shëndetësore dhe ndryshuar mënyrën e jetesës së njerëzve.
“Shumë njerëz kanë humbur kaq shumë njerëz dhe nuk kanë pasur rastin të thonë lamtumirë. Shumë njerëz vdiqën vetëm … duke pësuar një vdekje jashtëzakonisht të vështirë dhe e vetmuar”, tha zëdhënësja e OBSH-së Margaret Harris për një konferencë të OKB-së në Gjenevë.
“E vetmja gjë pozitive për këtë virus është se është e shtypur, nuk është gripi.”
